«Vest Xem»da ijara asosida to‘p tepayotgan «Manchester Yunayted» futbolchisi Jessi Lingard Angliya Premyer-ligasi doirasida «Lester» ustidan qozonilgan g‘alaba (3:2)dan so‘ng, fikr bildirdi.
«Biz o‘z kunimizni yoqimsiz tarzda yakunlashimizga oz qoldi. Bir nechta o‘yinlarda ham aynan shunday holat yuz bermoqda, chunki biz hali ko‘p narsalarni o‘rganmoqdamiz. Biz har bir o‘yindan ijobiy va salbiy tomonlarni ajratib olamiz.
E’tibor bering, biz har qanday raqibga qarshi hujum qilamiz va juda yaxshi o‘yin namoyish etamiz. Men o‘zimga bo‘lgan ishinchim sabab, to‘g‘ri joyni tanlayapman.
Bizda kurashadigan narsa borligi juda yaxshi. Bu yog‘iga har bir o‘yin kubok o‘yiniga o‘xshaydi. Biz kuchli to‘rtlikka kirishga harakat qilyapmiz - bu yorqin yutuq bo‘ladi, chunki tarixda birinchi marta «Vest Xem« Chempionlar Ligasida o‘ynagan bo‘lardi», - deydi angliyalik futbolchi.