Xabaringiz bor, ayni paytda «Paxtakor» OCHL guruh bosqichi bellashuvlarida ishtirok etish uchun BAA, Sharjada bo‘lib turibdi. Guruh bosqichi o‘yinlari 14-29 aprel kunlari bo‘lib o‘tishi belgilangan.

Dastlabki qarama-qarshilik doirasida «sherlar» 14 aprel, chorshanba kuni soat 20:00da Eron jamoasi «Traktor» bilan bahsga kirishadi.

Ushbu o‘yindan avval vakillarimizning Fors jamoalariga qarshi natijalari bilan tanishishingiz mumkin. «Sherlar» Osiyo klublari musobaqalarida Eron jamoalari bilan 21 marta to‘qnash kelishgan.

Toshkent jamoasi «Traktor» bilan ikkinchi bor to‘qnash keladi. Hozirga qadar Eronning jami 8 klubiga qarshi klublar musobaqalarida to‘qnash kelingan.

2016 yil «Traktor» bilan bellashuvlarda jamoalar o‘z maydonida zafar quchgan. Tabrizda 2:0, Toshkentda 1:0 natijasi qayd etilgan. «Paxtakor»dan gol muallifi Igor Sergeev bo‘lgan.

Eronliklarga qarshi uchrashuvlarda "Sherlar" ijobiy natijalar qayd etib keladi. Jami 21 bellashuvning 14tasida "Paxtakor" zafar quchgan.

Ikki o‘yinda durang qayd etilib, raqiblar 5 bor g‘alaba qozongan. Raqib darvozasiga 30 to‘p kiritilib, 19 gol o‘tkazib yuborilgan. Toshkentda 10 uchrashuvning barchasida vakillarimiz ustun kelishgan. Raqiblar darvozalariga 18 gol urilib, 4 to‘p o‘tkazib yuborilgan.

Eron jamoalariga qarshi o‘yinlardagi natijalar:

«Zobaxan» - 2:0, 0:1
«Naft» - 2:1, 1:1
«Saba» - 2:1, 2:0
«Sepaxan»- 2:1, 0:2
«Traktorsozi» - 1:0, 0:2
«Fulad» - 2:0, 3:1
«Istiqlol» - 2:1, 2:4, 2:1
«Persepolis» - 1:0, 1:1, 1:0, 0:2
«Shahr Xodro» - 3:0, 1:0