Хабарингиз бор, айни пайтда «Пахтакор» ОЧЛ гуруҳ босқичи беллашувларида иштирок этиш учун БАА, Шаржада бўлиб турибди. Гуруҳ босқичи ўйинлари 14-29 апрель кунлари бўлиб ўтиши белгиланган.
Дастлабки қарама-қаршилик доирасида «шерлар» 14 апрель, чоршанба куни соат 20:00да Эрон жамоаси «Трактор» билан баҳсга киришади.
Ушбу ўйиндан аввал вакилларимизнинг Форс жамоаларига қарши натижалари билан танишишингиз мумкин. «Шерлар» Осиё клублари мусобақаларида Эрон жамоалари билан 21 марта тўқнаш келишган.
Тошкент жамоаси «Трактор» билан иккинчи бор тўқнаш келади. Ҳозирга қадар Эроннинг жами 8 клубига қарши клублар мусобақаларида тўқнаш келинган.
2016 йил «Трактор» билан беллашувларда жамоалар ўз майдонида зафар қучган. Табризда 2:0, Тошкентда 1:0 натижаси қайд этилган. «Пахтакор»дан гол муаллифи Игорь Сергеев бўлган.
Эронликларга қарши учрашувларда "Шерлар" ижобий натижалар қайд этиб келади. Жами 21 беллашувнинг 14тасида "Пахтакор" зафар қучган.
Икки ўйинда дуранг қайд этилиб, рақиблар 5 бор ғалаба қозонган. Рақиб дарвозасига 30 тўп киритилиб, 19 гол ўтказиб юборилган. Тошкентда 10 учрашувнинг барчасида вакилларимиз устун келишган. Рақиблар дарвозаларига 18 гол урилиб, 4 тўп ўтказиб юборилган.
Эрон жамоаларига қарши ўйинлардаги натижалар:
«Зобахан» - 2:0, 0:1
«Нафт» - 2:1, 1:1
«Саба» - 2:1, 2:0
«Сепахан»- 2:1, 0:2
«Тракторсози» - 1:0, 0:2
«Фулад» - 2:0, 3:1
«Истиқлол» - 2:1, 2:4, 2:1
«Персеполис» - 1:0, 1:1, 1:0, 0:2
«Шаҳр Ходро» - 3:0, 1:0
