Chempionlar Ligasi-2021 guruh bosqichi 2-turida "Sherlar" 17 aprel, shanba kuni Iroqning "Eyr Fors" jamoasi bilan maydonga tushadi.

BAAning Sharja amirligida markazlashgan holda o‘tkazilayotgan guruh bosqichining 2-turida "Paxtakor" Iroqning "Eyr Fors" klubiga qarshi o‘ynaydi. Ushbu jamoa bilan 2019 yilgi guruh bosqichiga pley-off bahsida to‘qnash kelingan. O‘shanda Masharipov va Bikmayev tomonidan kiritilgan to‘plarga Ismoil Hammadi javob qaytargan. Ushbu jamoa ayni paytda Iroq chempionatida yaqqol peshqadamlik qilmoqda.

Mazkur uchrashuvdagi muvaffaqiyat jamoamizning keyingi bosqichiga chiqish imkoniyatlarini yuqori holda saqlab qoladi. Ketma-ket ochko yo‘qotish esa vaziyatni chigallashtirib yuborishi mumkin. "Eyr Fors" jamoasini hozirda mahalliy mutaxassis Ayub Odisho boshqarmoqda. Jamoa safida ikki nafar legioner bo‘lib, Iroq milliy terma jamoasiga nomzod 7-8 nafar futbolchi bor.

"Eyr Fors" va "Paxtakor" jamoalari o‘rtasidagi o‘yin 17 aprel, shanba kuni Toshkent vaqti bilan 20:00da "Sharja" stadionida boshlanadi.

"Eyr Fors"ning OCHL uchun tarkibi

Darvozabonlar
1. Fahad Tolib
31. Saif Karim
40. Abdulloh Faysal
95. Muhammad Solih

Himoyachilar
2. Ahmad Ibrohim
3. Ali Bahjat
5. Mayzam Jabbor
6. Samih Said
13. Ehson Haddad (Iordaniya)
20. Ali Kozim
34. Mustafo Muhammad
48. Hassan Roid

Yarim himoyachilar
7. Karrar Ali
11. Humam Toriq
16. Karrar Nabil
18. Luay Alani
19. Ali Muhsin
23. Abbos Ali
25. Muhammad Ali Abbud
28. Hussayn Jabbor

Hujumchilar
8. Ibrohim Baysh
9. Ayman Hussayn
10. Hammadiy Ahmad
17. Sharif Abdulkozim
22. Saif Rashid
29. Amjad Roziy
50. Jeferson Kolazos (Kolumbiya)
55. Muhammad Zabil