Italiyaning ikki klubi — «Milan» va «Yuventus» Yevropa Superligasini tark etganini rasman ma’lum qildi.

«Milan» muxlislar fikriga qo‘shilgan holda, bu loyihadan chiqishini e’lon qildi.

Turinliklar esa Superliganing potensialiga ishonishini, biroq uni hozirgi vaqtda amalga oshirish juda qiyinligini bildirdi.

Avvalroq «Atletiko» va «Inter» loyihada ishtirok etmasligini ma’lum qilgandi.

Shu tariqa Yevropa Superligasini tark etishini e’lon qilmagan ikkita klub qoldi: «Real» va «Barselona». Yaqin orada bu ikki klub ham musobaqadan voz kechganini ma’lum qilishi kutilmoqda.

18 aprel kuni yuqorida sanab o‘tilgan klublar va APLning top-6 jamoasi Yevropa Superligasiga asos soldi. Uning rahbari etib «Real» prezidenti Florentino Peres tayinlandi. «Yuventus» prezidenti Andrea Anelli esa unga o‘rinbosar bo‘lgandi.