Italiya A Seriyasi 32 turi doirasida «Yuventus» «Parma»ga to‘qnash keldi va 3:1 hisobida g‘alaba qozonganidan xabaringiz bor.
Biroq «keksa sinyora» birinchi bo‘limda bitta to‘p farqi evaziga mag‘lubiyatga uchrayotgan edi. Qiziqarli tomoni, «Parma» xavbeki Brugmanning goli jarima zarbasi orqali ijro etildi.
Jonli devorga turgan Ronaldu esa zarba berilayotgan paytda to‘pga sakramadi va aksincha yuzini yashirib oldi. Natijada, gol aynan Ronaldu yopishi kerak bo‘lgan nuqtadan sodir bo‘ldi.
Ushbu voqelik turli italyan matbuoti orqali rosa aylanmoqda. Bu yerda Krishtianu keskin tanqid qilinyapti. Uchrashuvda Ronaldu jamoasining 3 ta golidan hech biriga mualliflik qilmadi.
