Bugun Polshada o‘tkazilayotgan yoshlar o‘rtasida jahon chempionati o‘z yakuniga yetadi. Reglamentga ko‘ra, ushbu kun doirasida yigitlar o‘rtasida final bahslari bo‘lib o‘tadi.

Oltin medal yo‘lida saralash bahslaridan muvaffaqiyatli o‘tgan ikki nafar yigitimiz Shahzod Muzaffarov (-52 kg) va Jahongir Zokirov (+91 kg) jang olib borishi belgilab qo‘yilgan. Bu borada bokschilarimizga Rossiya va Armaniston vakillari raqiblik qilishadi.

-52 kg: Shahzod Muzaffarov – Yevgeniy Jorov (Rossiya) (19:15 dan so‘ng)
+91 kg: Jahongir Zokirov – Xovanes Papazyan (Armaniston) (21:15 dan so‘ng)

Eslatib o‘tamiz, yarim final bosqichida imkoniyatni boy bergan yana ikki nafar vakilimiz Shohjahon Abdullayev (-81 kg) va A’loxon Abdullayev (-69 kg) bronza medalini naqd qilishgan. Fursatdan foydalanib, bugun ringga ko‘tariladigan yigitlarimizga chiroyli g‘alabalar tilab qolamiz.