«Yuventus» bosh murabbiyi Andrea Pirlo UYEFA tomonidan klubga nisbatan qo‘llanilishi mumkin bo‘lgan sanksiyalar haqida fikr bildirdi.

Avvalroq, Aleksandr Cheferin dastlab Superliga tarkibiga kirgan barcha o‘n ikki klub javobgarlikka tortilishi mumkinligi haqida aytgandi. Matbuotda esa «Yuventus» kelasi mavsum Chempionlar Ligasidan chetlatilishi mumkinligi borasida gaplar bor.

«Biz UYEFA tahdidlaridan qo‘rqmaymiz. Aksincha, bor e’tiborimizni ishimizga qaratganmiz va tashkilotning klub borasida qandaydir qaror qabul qilishidan xotirjammiz», - dedi Pirlo matbuot anjumani vaqtida.

Ma’lumot o‘rnida, ayni paytda «Yuventus» 65 ochko bilan A Seriya turnir jadvalida to‘rtinchi o‘rinni egallab turibdi.