«Ювентус» бош мураббийи Андреа Пирло УЕФА томонидан клубга нисбатан қўлланилиши мумкин бўлган санкциялар ҳақида фикр билдирди.
Аввалроқ, Александр Чеферин дастлаб Суперлига таркибига кирган барча ўн икки клуб жавобгарликка тортилиши мумкинлиги ҳақида айтганди. Матбуотда эса «Ювентус» келаси мавсум Чемпионлар Лигасидан четлатилиши мумкинлиги борасида гаплар бор.
«Биз УЕФА таҳдидларидан қўрқмаймиз. Аксинча, бор эътиборимизни ишимизга қаратганмиз ва ташкилотнинг клуб борасида қандайдир қарор қабул қилишидан хотиржаммиз», - деди Пирло матбуот анжумани вақтида.
Маълумот ўрнида, айни пайтда «Ювентус» 65 очко билан А Серия турнир жадвалида тўртинчи ўринни эгаллаб турибди.
