Futbol bo‘yicha O‘zbekiston Kubogining 2-tur uchrashuvlari yakuniga yetdi. Bugun ham ushbu tur doirasidan o‘rin olgan bir qator o‘yinlar bo‘lib o‘tdi.
“Navbahor” Birinchi Liga klubi “Zomin” maydoniga safar qilib, 2:1 hisobida g‘alaba qozondi. Namanganliklarning gollari Azim Ahmedov va Shohrux Mahmudhojiyev hisobiga yozildi, mezbonlarning javob to‘piga esa Eldor Karimov mualliflik qildi.
Pro-Liga vakillari “Oq-Tepa” va “Olimpik” o‘zaro bahs yuritdi. 6 ta gol urilgan o‘yinda Temur Kapadze boshchiligidagi olimpiyachilarning qo‘li baland keldi. Gollarga Otabek Jo‘raqo‘ziyev, Farruxbek Muxtorov, Bektemir Abdumannonov, Talgat Nigmatulin, Bektemir Abdumannonov va Sunnatulla Mamadaliyev mualliflik qildi.
“Qizilqum” o‘z maydonida “Sho‘rtan” bilan bahs yuritdi va Elguja Grigalashvilining goli evaziga g‘alabani tantana qildi.
“Neftchi” “Xorazm”ni qabul qilib, yirik 3:1 hisobida g‘alabaga erishdi. Uchrashuvda Sardor Abdunabiyev, Marko Obradovich, Shahzod Beshimov va Sardor Abdunabiyev o‘z nomini tabloga yozdirib qo‘ydi.
O‘zbekiston Kubogi 2-turning barcha natijalari bilan tanishing:
2-turdan keyin guruhlardagi holat quyidagicha ko‘rinish oldi:
O‘zbekiston Kubogi
Guruh bosqichi, 2-tur bahslari
26-aprel, dushanba
“Oq-Tepa” — “Olimpik” 2:4
Gollar: Otabek Jo‘raqo‘ziyev, 35 (0:1), Farruxbek Muxtorov, 56 pen (0:2), Bektemir Abdumannonov, 61 (0:3), Talgat Nigmatulin, 63 (1:3), Bektemir Abdumannonov, 65 (1:4), Sunnatilla Mamadaliyev, 90 (2:4)
“Zomin” — “Navbahor” 1:2
Gollar: Azimjon Ahmedov, 45+2 pen (0:1), Shohrux Mahmudhojiyev, 72 (0:2), Eldor Karimov, 74 (1:2)
“Qizilqum” — “Sho‘rtan” 1:0
Gol: Elguja Grigalashvili, 55 (1:0)
“Neftchi” — “Xorazm” 3:1
Gollar: Sardor Abdunabiyev, 12 (1:0), Marko Obradovich, 45+1 (2:0), Shahzod Beshimov, 47 (2:1), Sardor Abdunabiyev, 49 (3:1)
