Футбол бўйича Ўзбекистон Кубогининг 2-тур учрашувлари якунига етди. Бугун ҳам ушбу тур доирасидан ўрин олган бир қатор ўйинлар  бўлиб ўтди.

“Навбаҳор” Биринчи Лига клуби “Зомин” майдонига сафар қилиб, 2:1 ҳисобида ғалаба қозонди. Наманганликларнинг голлари Азим Аҳмедов ва Шоҳрух Маҳмудҳожиев ҳисобига ёзилди, мезбонларнинг жавоб тўпига эса Элдор Каримов муаллифлик қилди.

Про-Лига вакиллари “Оқ-Тепа” ва “Олимпик” ўзаро баҳс юритди. 6 та гол урилган ўйинда Темур Кападзе бошчилигидаги олимпиячиларнинг қўли баланд келди. Голларга Отабек Жўрақўзиев, Фаррухбек Мухторов, Бектемир Абдуманнонов, Талгат Нигматулин, Бектемир Абдуманнонов ва Суннатулла Мамадалиев муаллифлик қилди.

“Қизилқум” ўз майдонида “Шўртан” билан баҳс юритди ва Элгужа Григалашвилининг голи эвазига ғалабани тантана қилди.

“Нефтчи” “Хоразм”ни қабул қилиб, йирик 3:1 ҳисобида ғалабага эришди. Учрашувда Сардор Абдунабиев, Марко Обрадович, Шаҳзод Бешимов ва Сардор Абдунабиев ўз номини таблога ёздириб қўйди.

Ўзбекистон Кубоги 2-турнинг барча натижалари билан танишинг:

2-турдан кейин гуруҳлардаги ҳолат қуйидагича кўриниш олди:

Ўзбекистон Кубоги

Гуруҳ босқичи, 2-тур баҳслари

26-апрел, душанба

“Оқ-Тепа” — “Олимпик” 2:4

Голлар: Отабек Жўрақўзиев, 35 (0:1), Фаррухбек Мухторов, 56 пен (0:2), Бектемир Абдуманнонов, 61 (0:3), Талгат Нигматулин, 63 (1:3), Бектемир Абдуманнонов, 65 (1:4), Суннатилла Мамадалиев, 90 (2:4)

“Зомин” — “Навбаҳор” 1:2

Голлар: Азимжон Аҳмедов, 45+2 пен (0:1), Шоҳрух Маҳмудҳожиев, 72 (0:2), Элдор Каримов, 74 (1:2)

“Қизилқум” — “Шўртан” 1:0

Гол: Элгужа Григалашвили, 55 (1:0)

“Нефтчи” — “Хоразм” 3:1

Голлар: Сардор Абдунабиев, 12 (1:0), Марко Обрадович, 45+1 (2:0), Шаҳзод Бешимов, 47 (2:1), Сардор Абдунабиев, 49 (3:1)