«Vilyarreal» bosh murabbiyi Unai Emeri Mikel Artetaning «Arsenal» ustozi sifatida ishlashi haqidagi fikrlari bilan o‘rtoqlashdi. Eslatib o‘tamiz, Artetadan oldin «kononirlar»ni Unai Emeri boshqarib borgan.

«Arteta o‘zining g‘oyalarini klubda mujassam etishga harakat qilmoqda. O‘ylaymanki, u «Arsenal»ning qadriyatlariga mos keladi, u bilan birga jamoa jozibali futbol o‘ynamoqda.

Arteta «Manchester Siti»dalik payti Gvardioladan ko‘p muhim narsalarni o‘rgangan. «Arsenal» esa murabbiylik faoliyatini shakllantirish uchun ajoyib klub", - deya Emerining so‘zlarini keltiradi UYEFA matbuot xizmati.

Eslatib o‘tamiz, payshanba kuni «Vilyarreal» Yevropa Ligasi yarimfinalida «Arsenal»ga qarshi o‘ynaydi.