«Вильярреал» бош мураббийи Унаи Эмери Микел Артетанинг «Арсенал» устози сифатида ишлаши ҳақидаги фикрлари билан ўртоқлашди. Эслатиб ўтамиз, Артетадан олдин «кононирлар»ни Унаи Эмери бошқариб борган.
«Артета ўзининг ғояларини клубда мужассам этишга ҳаракат қилмоқда. Ўйлайманки, у «Арсенал»нинг қадриятларига мос келади, у билан бирга жамоа жозибали футбол ўйнамоқда.
Артета «Манчестер Сити»далик пайти Гвардиоладан кўп муҳим нарсаларни ўрганган. «Арсенал» эса мураббийлик фаолиятини шакллантириш учун ажойиб клуб", - дея Эмерининг сўзларини келтиради УЕФА матбуот хизмати.
Эслатиб ўтамиз, пайшанба куни «Вильярреал» Европа Лигаси яримфиналида «Арсенал»га қарши ўйнайди.
