«Milan» bosh murabbiyi Stefano Pioli Italiya chempionatining 33-turi doirasida bo‘lib o‘tgan «Lasio»ga qarshi o‘yin (0:3) borasida o‘z fikrini bildirib o‘tdi.

«Bugun raqibimiz muhim pallalarda o‘z maqsadiga erishdi. Birinchi bo‘limda biz yaxshiroq o‘ynadik va hisobni tenglashtirish uchun imkoniyatga ega bo‘ldik. Jamoamdan ko‘proq narsa kutgandim. Chunki bizda yaxshiroq o‘ynash uchun yetarli xususiyat bor, ammo ikkinchi goldan keyin vaziyatimiz og‘irlashdi.

Biz kuchli jamoamiz va bu vaziyatdan chiqib ketishimiz kerak. Bu alamli mag‘lubiyat bo‘ldi. Gap qo‘rqishda emas, balki "Lasio" kabi jamoadan tezkor gol o‘tkazib yuborsangiz, raqibga himoyalanish va qarshi hujumda o‘ynash imkoniyatini berib qo‘yasiz.

«Milan» tashabbusni o‘z qo‘liga olishi kerak edi. Bizda imkoniyatlar bo‘ldi. O‘yinga qaytishga yaqin turgandik, ammo ikkinchi gol barchasini barbod qildi.

Ibrahimovich? Zlatan joriy mavsumda ko‘p o‘yinlarni o‘tkazib yubordik. Afsuski, biz uchun mavsum shunday bo‘ldi. Uning keyingi o‘yinlarda maydonga qaytishiga umid qilamiz», — dedi Pioli.