«Милан» бош мураббийи Стефано Пиоли Италия чемпионатининг 33-тури доирасида бўлиб ўтган «Лацио»га қарши ўйин (0:3) борасида ўз фикрини билдириб ўтди.

«Бугун рақибимиз муҳим паллаларда ўз мақсадига эришди. Биринчи бўлимда биз яхшироқ ўйнадик ва ҳисобни тенглаштириш учун имкониятга эга бўлдик. Жамоамдан кўпроқ нарса кутгандим. Чунки бизда яхшироқ ўйнаш учун етарли хусусият бор, аммо иккинчи голдан кейин вазиятимиз оғирлашди.

Биз кучли жамоамиз ва бу вазиятдан чиқиб кетишимиз керак. Бу аламли мағлубият бўлди. Гап қўрқишда эмас, балки "Лацио" каби жамоадан тезкор гол ўтказиб юборсангиз, рақибга ҳимояланиш ва қарши ҳужумда ўйнаш имкониятини бериб қўясиз.

«Милан» ташаббусни ўз қўлига олиши керак эди. Бизда имкониятлар бўлди. Ўйинга қайтишга яқин тургандик, аммо иккинчи гол барчасини барбод қилди.

Ибраҳимович? Златан жорий мавсумда кўп ўйинларни ўтказиб юбордик. Афсуски, биз учун мавсум шундай бўлди. Унинг кейинги ўйинларда майдонга қайтишига умид қиламиз», — деди Пиоли.