«Roma» bosh murabbiyi Paulo Fonseka «Manchester Yunayted»ga qarshi yarimfinal birinchi o‘yin oldidan o‘z fikrlarini bildirdi. 

«Bu juda muhim bahs. Biz muxlislar, shahar va klub obro‘si uchun kurashamiz. «Roma» Yevropa Ligasining favoriti hisoblangan top jamoaga qarshi maydonga tushadi.

Bizga bu yerda Smolling va Mxitaryanlarning foydasi tegsa ajab emas. Har qalay ular sobiq klublariga qarshi maydonga tushishadi. Puxta tayyorlandik deb o‘ylayman.

Biz «Yunayted»ni hurmat qilamiz, ammo bizning ham o‘ziga xos ambisiyalarimiz bor. Qiziq bo‘ladi, bizni hayajonli to‘qnashuv kutmoqda, biz tayyormiz», - deydi portugaliyalik mutaxassis.