«Рома» бош мураббийи Пауло Фонсека «Манчестер Юнайтед»га қарши яримфинал биринчи ўйин олдидан ўз фикрларини билдирди.
«Бу жуда муҳим баҳс. Биз мухлислар, шаҳар ва клуб обрўси учун курашамиз. «Рома» Европа Лигасининг фаворити ҳисобланган топ жамоага қарши майдонга тушади.
Бизга бу ерда Смоллинг ва Мхитарянларнинг фойдаси тегса ажаб эмас. Ҳар қалай улар собиқ клубларига қарши майдонга тушишади. Пухта тайёрландик деб ўйлайман.
Биз «Юнайтед»ни ҳурмат қиламиз, аммо бизнинг ҳам ўзига хос амбицияларимиз бор. Қизиқ бўлади, бизни ҳаяжонли тўқнашув кутмоқда, биз тайёрмиз», - дейди португалиялик мутахассис.
