«Inter» bosh murabbiyi Antonio Konte kelasi mavsum jamoada ishlash-ishlamasligi haqidagi savolga javob berdi.
Italiya matbuotida Konte klub rahbariyati bilan kelishmovchiliklar tufayli «Inter»ni tark etishi haqida mish-mishlar muntazam ravishda paydo bo‘lmoqda.
«Ayni dam "skudetto"ni yutganimizdan juda xursandmiz. Hozir muvaffaqiyatimizni qanday nishonlash haqida o‘ylayapman.
Keyin nima bo‘ladi? Bu haqda gapirishga hali erta. Men «Inter» rahbarlari bilan uchrashib, kelajagim haqida suhbatlashishim kerak. Klub uchun nima yaxshiroq ekanini hal qilishimiz kerak. Zero eng ustuvor masala ham shunda", - deydi Konte.
