«Liverpul», «Real» va Angliya terma jamoalarining sobiq hujumchisi Maykl Ouen ikki yosh ingliz futbolchilari Meyson Maunt («Chelsi») va Fil Foden («Manchester Siti») haqida o‘z fikrlari bilan o‘rtoqlashdi.

«Yozda Angliyani ko‘rish juda qiziqarli bo‘ladi. Menimcha, Meyson Maunt va Fil Foden kelajakda dunyoning eng yaxshi ikki futbolchisi bo‘lishadi. Ular haqiqatan ham ajoyib futbolchilar.

Ular Mbappe va Xolandga teng darajada o‘ynay olishadimi? Ha, ularda buni amalga oshirish uchun iqtidor bor va ular - Angliyaning biz ko‘rgan eng yaxshi futbolchilari qatorida bo‘lishlari mumkin.

Chempionlar Ligasi finali ikkita ajoyib murabbiylar o‘rtasidagi fantastik, taktik jang bo‘ladi. «Siti» shubhasiz Yevropaning eng yaxshi jamoasi. Ammo, «Chelsi»da bitta uchrashuvda g‘alaba qozonish uchun barcha imkoniyatlar mavjud «, - deya Ouenning so‘zlarini keltirgan Daily Mail.

Eslatib o‘tamiz, 29 may kuni Istanbuldagi «Otaturk Olimyat» stadionida (Turkiya) bo‘lib o‘tadigan Chempionlar Ligasi finalida Angliyaning ikki jamoasi - «Manchester Siti» va «Chelsi» to‘qnash kelishadi.