«Ливерпуль», «Реал» ва Англия терма жамоаларининг собиқ ҳужумчиси Майкл Оуэн икки ёш инглиз футболчилари Мейсон Маунт («Челси») ва Фил Фоден («Манчестер Сити») ҳақида ўз фикрлари билан ўртоқлашди.

«Ёзда Англияни кўриш жуда қизиқарли бўлади. Менимча, Мейсон Маунт ва Фил Фоден келажакда дунёнинг энг яхши икки футболчиси бўлишади. Улар ҳақиқатан ҳам ажойиб футболчилар.

Улар Мбаппе ва Холандга тенг даражада ўйнай олишадими? Ҳа, уларда буни амалга ошириш учун иқтидор бор ва улар - Англиянинг биз кўрган энг яхши футболчилари қаторида бўлишлари мумкин.

Чемпионлар Лигаси финали иккита ажойиб мураббийлар ўртасидаги фантастик, тактик жанг бўлади. «Сити» шубҳасиз Европанинг энг яхши жамоаси. Аммо, «Челси»да битта учрашувда ғалаба қозониш учун барча имкониятлар мавжуд «, - дея Оуэннинг сўзларини келтирган Daily Mail.

Эслатиб ўтамиз, 29 май куни Истанбулдаги «Отатурк Олимьят» стадионида (Туркия) бўлиб ўтадиган Чемпионлар Лигаси финалида Англиянинг икки жамоаси - «Манчестер Сити» ва «Челси» тўқнаш келишади.