«Real» yarimhimoyachisi Toni Kroos YECHL yarimfinali doirasida «Chelsi»ga (0:2) qarshi bahsdan keyin raqib yarimhimoyachisi Meyson Mauntga javob qaytardi. 

Germaniyalik futbolchi javob o‘yini oldidan: «Chelsi»ning hech bir futbolchisi meni uyqusizlikka duchor qilgani yo‘q. Ularning kuchli tomonlarini bilamiz», – deb aytgandi. 

Maunt esa Madrid klubi mag‘lub etilgach: «Real» futbolchilaridan biri dastlabki bahsdan keyin «Chelsi» futbolchisi tufayli uyqusizlikka yo‘liqmasligini aytganini eshitdim. Ammo endi u butun jamoa sababli uyqusiz qoladi», – dedi.    

Keyin Kroos «tvitter»dagi sahifasida angliyalik futbolchiga shunday javob qaytardi: «Men hali ham yaxshi uxlayapman. Sizlar zo‘r o‘ynadinglar. Tabriklayman. Senga Chempionlar Ligasidagi ilk finalingda omad tilayman», – deydi Kroos.