2020-2021 yillar mavsumi nihoyasiga yetmoqda. Yevropa milliy chempionatlarida bir qator klublar muddatidan oldin chempionlikni nishonlashdi. Quyida ana shu chempionatlar haqida so‘z yuritamiz.
Italiya - «Inter»
Jamoa 2011 yildan buyon ilk bor sovrin yutdi. O‘shanda milanliklar Italiya kubogini qo‘lga kiritishgandi. 2010 yildan beri esa endi chempion bo‘lmoqda.
Rossiya - «Zenit»
Piterliklar Rossiya chempionligini qatorasiga uchinchi bor qo‘lga kiritishdi. E’tiborli tomoni, jamoa bu ishni Semak qo‘l ostida amalga oshirdi.
Gollandiya - «Ayaks»
Amsterdam jamoasi «oltin dubl» qayd etdi. Jamoa oldinroq mamlakat kubogini ham qo‘lga kiritgandi.
Shotlandiya - «Glazgo Reynjers»
Glazgoliklar 55-marta chempion bo‘lib, rekord o‘rnatishdi.
Ukraina - «Dinamo Kiyev»
«Dinamo» oxirgi to‘rt yilda ilk bor chempion bo‘ldi.
Vengriya - «Ferensvarosh»
Jamoa qatorasiga uchinchi yil jadvalni birinchi o‘rinda yakunlaydi.
Gresiya - «Olimpiakos»
Pireyliklar finishdan ancha oldin chempionlik masalasini hal qilishgandi. Bu Pirey klubining 46-chempionligi. Mamlakatda esa 85 yildan buyon chempionat o‘tkaziladi.
Serbiya - «Srvena Zvezda»
Jamoa qatorasiga to‘rtinchi, Deyan Stankovich boshchiligida esa qatorasiga ikkinchi marta mamlakat chempioni bo‘ldi.
Polsha - «Legiya»
Joriy mavsumga qadar «Gurnik», «Rux» va «Legiya» jamoalari 14 martadan mamlakat chempioni bo‘lishgandi. Endi bemalol «Legiya»ni mamlakatning eng ko‘p chempion bo‘lgan jamoasi deb atash mumkin.
Shimoliy Makedoniya - «Shkendiya»
Jamoa to‘rtinchi sovrinini qo‘lga kiritdi. «Shkendiya» ilk bor 2011 yilda chempion bo‘lgandi.
Chernogoriya - «Buduchnost»
Jamoa chempionligini finishdan ancha oldin himoya qildi. Turnir yakunlanishiga 4 tur qolganida eng yaqin ta’qibchisidan 24 ochko oldinda bormoqda.
Chexiya - «Slaviya»
Jamoa qatorasiga uchinchi marta chempionga aylandi. Ammo bu borada «Sparta»ga (12 chempionlik) yetib olish uchun ancha ter to‘kishga to‘g‘ri keladi.
Shveysariya - «Yang Boyz»
Shveysariya chempionati yakunlanishiga ham 4 tur qoldi. Muddatidan oldin chempion bo‘lgan «Yang Boyz» eng yaqin ta’qibchilari - «Bazel» va «Servett»dan 25 ochko ko‘p jamg‘argan.
Malta - «Xamrun Spartans»
Malta chempionatida g‘oliblar nomi tez-tez o‘zgarib turadi. «Xamrun» 8-marta mamlakat chempioni bo‘ldi. Oxirgi marta jamoa 1991 yili bosh sovringa ega chiqqandi.
