Angliya Premyer-ligasi 35-turidan o‘rin olgan bahsda «Arsenal» o‘z maydonida «Vest Bromvich»ni qabul qildi. «Emireyts» o‘ingohida kechgan bahsda mezbonlar 2:1 hisobida zafar quchishdi.

Dastlab, maydon egalari birinchi bo‘limda Smit-Rou hamda Pepening gollari evaziga raqiblari darvozasini ikki bor ishg‘ol etib, tanaffusga g‘alaba bilan yo‘l olishdi.

Keyinchalik esa, ikkinchi taym o‘rtalarida mezbonlar vakili Pereyra o‘z goli bilan hisobni qisqartirdi. Shunga qaramay, bu gol hatto durang uchun ham yetarli bo‘lmadi.

O‘yinga nuqta quyib bergan to‘pni so‘nggi daqiqalarda Villian kiritdi va hisobni 3:1 ko‘rinishiga keltirdi. Yakunda, «kanonirlar» autsayderdan 3 ochko tortib olishdi.

Shu tariqa, bugungi uchrashuvdan so‘ng, «Arsenal» ochkolari sonini 52 taga yetkazib, to‘qqizinchi o‘rinni band etgan bo‘lsa, bugungacha 26 ochko jamg‘argan «Vest Bromvich» o‘n to‘qqizinchi pog‘onada bormoqda.

«Arsenal» – «Vest Bromvich» 3:1(2:1,1:0). «Emireyts»

Gollar: 1:0 – 29 Smit Rou, 2:0 – 35 Pepe, 2:1 – 67 Mateus Pereyra, 3:1 – 90 Villian.

«Arsenal» – Leno, Xolding, Chembers, Gabriel, Pepe, Smit Rou (Tirni, 63), Villian, El-Nenni, Martinelli (Lyakazett, 60), Sebalyos (Parti, 76), Saka.

«Vest Bromvich» – Djonston, Bartli, Ferlong, Adjayi, Taunsend, Fillips, Gallaxer, Robinson (Diangana, 68), Yokushlu, Mateus Pereyra, Dian (Robson-Kanu, 56).

Ogohlantirishlar:
Robson-Kanu (62), Sebalyos (70), Gallaxer (76).