«Yuventus» bosh murabbiyi Andrea Pirlo Italiya chempionatining 35-turidan o‘rin olgan «Milan» qarshi mag‘lubiyatli uchrashuvdan(0:3) so‘ng, fikr bildirdi.
«Kecha men jamoani haftani yaxshi o‘tkazganligini aytdim. Biz to‘g‘ri fikr va kontsentrasiya bilan mashq qildik.
Biz ajoyib o‘yin namoyish etishimizga amin edik. Ammo bu butunlay boshqacha bo‘lib chiqdi. Uchrashuvni yaxshi boshladik, biroq o‘zimizni yo‘qotib qo‘ydik va bunday natija qayd etildi.
Hozir buni tushuntirish qiyin. Ko‘p komponentlar ishlamadi.
Bunday muhim o‘yinda 0:3 hisobida yutqazsangiz, demak, ko‘p narsalar kutilganidek bo‘lmaydi. Men barchasini tahlil qilishim kerak.
Iste’fo? Yo‘q, men ketmayman. Muayyan qiyinchiliklarga qaramay, bu lavozimni katta ishtiyoq bilan qabul qildim.
Oldinda yana uchta o‘yin bor, shuning uchun menga imkoniyat berilgan ekan, o‘z vazifamni bajarishda davom etaman», - deydi Pirlo.
Ma’lumot uchun, hozirgacha 35 turdan keyin, 69 ochko jamg‘argan «Yuventus» chempionat jadvalida beshinchi pog‘onani band etib turibdi.
