«Ювентус» бош мураббийи Андреа Пирло Италия чемпионатининг 35-туридан ўрин олган «Милан» қарши мағлубиятли учрашувдан(0:3) сўнг, фикр билдирди.

«Кеча мен жамоани ҳафтани яхши ўтказганлигини айтдим. Биз тўғри фикр ва контсентрация билан машқ қилдик.

Биз ажойиб ўйин намойиш этишимизга амин эдик. Аммо бу бутунлай бошқача бўлиб чиқди. Учрашувни яхши бошладик, бироқ ўзимизни йўқотиб қўйдик ва бундай натижа қайд этилди.

Ҳозир буни тушунтириш қийин. Кўп компонентлар ишламади.

Бундай муҳим ўйинда 0:3 ҳисобида ютқазсангиз, демак, кўп нарсалар кутилганидек бўлмайди. Мен барчасини таҳлил қилишим керак.

Истеъфо? Йўқ, мен кетмайман. Муайян қийинчиликларга қарамай, бу лавозимни катта иштиёқ билан қабул қилдим.

Олдинда яна учта ўйин бор, шунинг учун менга имконият берилган экан, ўз вазифамни бажаришда давом этаман», - дейди Пирло.

Маълумот учун, ҳозиргача 35 турдан кейин, 69 очко жамғарган «Ювентус» чемпионат жадвалида бешинчи поғонани банд этиб турибди.