«Yuventus» bosh murabbiyi Andrea Pirlo Italiya chempionatining «Sassuolo»ga qarshi o‘yin oldidan jurnalistlar bilan suhbatlashdi. Uchrashuv bugun tunda bo‘lib o‘tadi.
«Biz kuchli to‘rtlikdan bir ochkoga ortda qolyapmiz, ammo vaziyatni to‘g‘irlash uchun yana uchta o‘yinimiz bor, shuning uchun ijobiy fikrlashga harakat qilamiz.
Bizni juda qiyin va muhim bahslar kutib turibdi. «Yuventus» Chempionlar Ligasida o‘ynashga loyiqligini isbotlashi kerak. «Milan» bilan o‘yin natijasidan juda xafa bo‘ldik, ammo o‘zimizga ishonishda davom etamiz.
Mening vazifam tarkibdagi futbolchilarni o‘zlariga bo‘lgan ishonchlarini qaytarish», - deydi Pirlo.
