«Ювентус» бош мураббийи Андреа Пирло Италия чемпионатининг «Сассуоло»га қарши ўйин олдидан журналистлар билан суҳбатлашди. Учрашув бугун тунда бўлиб ўтади.

«Биз кучли тўртликдан бир очкога ортда қоляпмиз, аммо вазиятни тўғирлаш учун яна учта ўйинимиз бор, шунинг учун ижобий фикрлашга ҳаракат қиламиз.

Бизни жуда қийин ва муҳим баҳслар кутиб турибди. «Ювентус» Чемпионлар Лигасида ўйнашга лойиқлигини исботлаши керак. «Милан» билан ўйин натижасидан жуда хафа бўлдик, аммо ўзимизга ишонишда давом этамиз.

Менинг вазифам таркибдаги футболчиларни ўзларига бўлган ишончларини қайтариш», - дейди Пирло.