«Manchester Yunayted» bosh murabbiyi Ole Gunnar Sulsher himoyachi Garri Maguayrning safga qaytishi vaqti haqida gapirdi.
«Maguayr «Manchester Yunayted» uchun muhimligini ko‘rsatdi. Uning jamoamiz uchun nimani anglatishini hammamiz anchadan buyon bilganmiz, lekin, ehtimol, ba’zi odamlar buni jarohat olgandan keyingina payqashgan.
Maguayr bundan oldin «Manchester Yunayted» uchun juda muhim o‘yinchiga aylanganini aniq his qildim.
Garri bizning etakchimiz. U sardor. U deyarli har doim eng yuqori darajada o‘ynaydi, shu sababli hozirda uning yo‘qligi men uchun katta muammo, lekin umid qilamanki Yevropa Ligasi finaliga qadar o‘zini tiklaydi.
Men unga qancha vaqt kerak bo‘lsa, beraman. U menga «ha» yoki «yo‘q» demaguncha kutaman», - deydi norvegiyalik mutaxassis.
Eslatib o‘tamiz, Garri Maguayr to‘pig‘idan olgan jarohati tufayli «Aston Villa» bilan (3:1) APLning 35-tur uchrashuvini yakunlay olmadi.
«Manchester Yunayted» 26 may kuni Yevropa Ligasi finalida »Vilyarreal« bilan o‘ynaydi. Uchrashuv Gdanskdagi (Polsha) «Energa Gdansk» stadionida bo‘lib o‘tadi.
