«Манчестер Юнайтед» бош мураббийи Оле Гуннар СулЬшер ҳимоячи Гарри Магуайрнинг сафга қайтиши вақти ҳақида гапирди.

«Магуайр «Манчестер Юнайтед» учун муҳимлигини кўрсатди. Унинг жамоамиз учун нимани англатишини ҳаммамиз анчадан буён билганмиз, лекин, эҳтимол, баъзи одамлар буни жароҳат олгандан кейингина пайқашган.

Магуайр бундан олдин «Манчестер Юнайтед» учун жуда муҳим ўйинчига айланганини аниқ ҳис қилдим.

Гарри бизнинг этакчимиз. У сардор. У деярли ҳар доим энг юқори даражада ўйнайди, шу сабабли ҳозирда унинг йўқлиги мен учун катта муаммо, лекин умид қиламанки Европа Лигаси финалига қадар ўзини тиклайди.

Мен унга қанча вақт керак бўлса, бераман. У менга «ҳа» ёки «йўқ» демагунча кутаман», - дейди норвегиялик мутахассис.

Эслатиб ўтамиз, Гарри Магуайр тўпиғидан олган жароҳати туфайли «Астон Вилла» билан (3:1) АПЛнинг 35-тур учрашувини якунлай олмади.

«Манчестер Юнайтед» 26 май куни Европа Лигаси финалида »Вильярреал« билан ўйнайди. Учрашув Гданскдаги (Польша) «Энерга Гданск» стадионида бўлиб ўтади.