«Yuventus» hujumchi Alvaro Morataning jamoadagi kelajagi borasida hali qaror qabul qilmagan.
Madrid klubi may oyining oxirigacha turinliklarning javobini kutadi. Aftidan, Morataning kelajagi «Yuve»ning Yevropa musobaqalarida ishtirok etish yoki etmasligiga bog‘liq.
Eslatib o‘tamiz, «Yuventus» 27 yoshli futbolchini o‘tgan yili, kuzda Madridning «Atletiko» jamoasidan bir mavsumga ijaraga olgan. Tomonlar o‘rtasida tuzilgan shartnomada ijara muddatini yana bir yilga uzaytirish bandi va Moratani sotib olish huquqi ham bor.
Klub, Alvaroni sotib olishni istasa, joriy mavsum oxirigacha 45 million yevro to‘lashiga to‘g‘ri keladi. Bu miqdor uch yil davomida to‘lab beriladi.
Eslatib o‘tamiz, Morata 2014—2016-yillar mobaynida «Yuventus»da to‘p tepgan.
