«Ювентус» ҳужумчи Альваро Моратанинг жамоадаги келажаги борасида ҳали қарор қабул қилмаган.

Мадрид клуби май ойининг охиригача туринликларнинг жавобини кутади. Афтидан, Моратанинг келажаги «Юве»нинг Европа мусобақаларида иштирок этиш ёки этмаслигига боғлиқ.

Эслатиб ўтамиз, «Ювентус» 27 ёшли футболчини ўтган йили, кузда Мадриднинг «Атлетико» жамоасидан бир мавсумга ижарага олган. Томонлар ўртасида тузилган шартномада ижара муддатини яна бир йилга узайтириш банди ва Моратани сотиб олиш ҳуқуқи ҳам бор.

Клуб, Альварони сотиб олишни истаса, жорий мавсум охиригача 45 миллион евро тўлашига тўғри келади. Бу миқдор уч йил давомида тўлаб берилади.

Эслатиб ўтамиз, Мората 2014—2016-йиллар мобайнида «Ювентус»да тўп тепган.