«Jenoa» klubi hujumchisi Eldor Shomurodov Rossiyaning football.kulichki.net sayti tomonidan Italiya A Seriyasi 37-turi ramziy jamoasiga kiritildi.
A Seriya 37-turi doirasida Genuyada «Atalanta»ga qarshi maydonga tushgan «Jenoa» jamoasi birinchi bo‘limdan keyin 0:3 hisobida mag‘lubiyatga uchrayotgan edi. Mezbonlar bosh murabbiyi Davide Ballardini ikkinchi bo‘limda Eldor Shomurodovni maydonga tushirgach, o‘zbekistonlik hujumchi «Atalanta» darvozasini ikki bor nishonga olib, o‘yinning 3:4 hisobida yakunlanishiga sabab bo‘ldi.
A Seriyada 2-o‘rinda borayotgan «Atalanta» bilan bahsda Italiyadagi ilk dublini nishonlagan Shomurodov Rossiyaning football.kulichki.net sayti talqiniga ko‘ra, 37-tur ramziy jamoasiga kiritildi.
Qayd etish lozim, O‘zbekiston milliy jamoasi forvardi Italiyadagi faoliyati davomida ilk marta A Seriya ramziy jamoasiga kiritildi.
Italiya A Seriyasi 37-tur ramziy jamoasi (football.kulichki.net talqiniga ko‘ra):
Darvozabon: Janluidji DONNARUMMA (Milan)
Himoyachilar: Diyego GODIN (Kalyari), Janluka MANCHINI (Roma), Omar KOLLI (Sampdoriya), Xuan KUADRADO (Yuventus)
Yarimhimoyachilar: Ebrima DARBO (Roma), Jeremi BOGA (Sassuolo), Ruslan MALINOVSKIY (Atalanta)
Hujumchilar: Lorenso INSINYE (Napoli), Eldor SHOMURODOV (Jenoa), M’Bala NZOLA (Spesiya).
