«Lester» bosh murabbiyi Brendan Rodjers «Chelsi»ga safarda mag‘lub bo‘lganligi haqida fikr bildirdi. «Lester» APL 37-turi doirasida «ko‘klar»ga 1:2 hisobida yutkazdi.
«Juda qiyin o‘yin bo‘ldi. O‘tkazib yuborilgan gollar ancha alamli. Samarasiz burchak zarbalarini amalga oshirdik, to‘pni yetarlicha nazorat qila olmadik.
Bu shubhasiz ayanchli jazo bo‘ldi. Biroq xatolarimizdan saboq olishimiz kerak.
«Lester» ushbu mavsum ko‘plab yirik o‘yinlarda g‘alaba qozondi. Bugun tunda bir necha xatolarga yo‘l qo‘ydik, ammo umuman olganda futbolchilar o‘z imkoniyatlari darajasida ishlashdi.
Oldinda yana bir o‘yin bor. Taqdirimiz o‘z qo‘limizda», - deydi Rodjers.
