"Yuventus" yozgi transfer oynasida ish haqini tushirishni kutmoqda. Turin klubi yiliga 7 million yevro maosh oladigan hujumchi Paulo Dibalani sotmoqchi. El Larguero nashrining xabariga ko‘ra, "Yuventus" "Atletiko" bilan 27 yoshli argentinalik futbolchini Anxel Korreaga almashtirish to‘g‘risida muzokara olib borgan, ammo "matraschilar" bosh murabbiyi Diyego Simeone bu variantni rad etgan.
Madrid klubi Alvaro Moratani Rodrigo Bentankurga almashtirishga qiziqish bildirmoqda, ammo turinliklar bu taklifga rozi emas. Ma’lumot uchun, joriy mavsumda Dibala barcha turnirlarda 26 o‘yinda qatnashib, 5 gol va 3 golli uzatmaga mualliflik qildi.
