"Ювентус" ёзги трансфер ойнасида иш ҳақини туширишни кутмоқда. Турин клуби йилига 7 миллион евро маош оладиган ҳужумчи Пауло Дибалани сотмоқчи. El Larguero нашрининг хабарига кўра, "Ювентус" "Атлетико" билан 27 ёшли аргентиналик футболчини Анхел Корреага алмаштириш тўғрисида музокара олиб борган, аммо "матрасчилар" бош мураббийи Диего Симеоне бу вариантни рад этган.
Мадрид клуби Алваро Моратани Родриго Бентанкурга алмаштиришга қизиқиш билдирмоқда, аммо туринликлар бу таклифга рози эмас. Маълумот учун, жорий мавсумда Дибала барча турнирларда 26 ўйинда қатнашиб, 5 гол ва 3 голли узатмага муаллифлик қилди.
