«Futboldagi korrupsiya haqida ko‘p gapirishadi. Ammo o‘ylashni istashmaydiki, Mirjalol Qosimovdan tortib, Odil Ahmedovgacha, Eldor Shomurodovdan tortib, Jaloliddin Masharipovgacha oddiy oila farzandi edi.
Ular o‘z mehnati, mashaqqati, sabri va intilishi bilan futbol orqali shu darajaga yetdi. Bizdagi istalgan sohaga shu ko‘z bilan qaraydigan bo‘lsak, futbol qolganlaridan ancha tozaroqdir. Futbolda faqat tanish-bilishlarning yoki boylarning farzandlari muvaffaqiyatga erishadi degan gapni futbol o‘ynashni eplolmaganlar o‘ylab topadi.
Biz esa kambag‘al oiladan chiqib, bugun yulduz darajasiga ko‘tarilgan istaganingizcha futbolchini sanab berishga tayyormiz. Faqatgina shu emas, mavjud korrupsiya ildiziga bolta urish uchun ham kurashyapmiz»
Diyor Imomxo‘jayev
