Ispaniyaning «Vilyarreal» klubi bosh murabbiyi Unai Emeri «Manchester Yunayted» bilan o‘yindan so‘ng o‘z fikrlarini bildirdi.

«Sariq suvosti kemasi» «Yunayted» ni penaltilar seriyasida mag‘lub etib, Yevropa Ligasida g‘olib bo‘ldi.

«Men baxtliman. Biz «Vilyarreal» bilan katta missiyani bajardik. Futbolchilar butun mavsum davomida prezidentni, muxlislarni, murabbiylar shtabini, o‘zlarini va yaqinlarini xursand qilish uchun astoydil harakat qilishdi.

Bu haqli g‘alaba. Biz «Manchester Yunayted»ga qarshi oxirigacha kurashdik, hattoki bir necha daqiqalarda raqibdan ustun ham keldik.

Biz Chempionlar Ligasidagi o‘yinlardan zavqlanamiz. Men YELda g‘alaba qozonishni yaxshi ko‘raman, bu yer mening uyim. Lekin Chempionlar Ligasida ham o‘ynashni xohlayman. Endi esa biz yaqinlarimiz bilan bo‘lgan g‘alabadan bahramand bo‘lishimiz kerak», deydi Emeri UYEFA rasmiy saytiga.