Испаниянинг «Вильярреал» клуби бош мураббийи Унаи Эмери «Манчестер Юнайтед» билан ўйиндан сўнг ўз фикрларини билдирди.
«Сариқ сувости кемаси» «Юнайтед» ни пенальтилар сериясида мағлуб этиб, Европа Лигасида ғолиб бўлди.
«Мен бахтлиман. Биз «Вильярреал» билан катта миссияни бажардик. Футболчилар бутун мавсум давомида президентни, мухлисларни, мураббийлар штабини, ўзларини ва яқинларини хурсанд қилиш учун астойдил ҳаракат қилишди.
Бу ҳақли ғалаба. Биз «Манчестер Юнайтед»га қарши охиригача курашдик, ҳаттоки бир неча дақиқаларда рақибдан устун ҳам келдик.
Биз Чемпионлар Лигасидаги ўйинлардан завқланамиз. Мен ЕЛда ғалаба қозонишни яхши кўраман, бу ер менинг уйим. Лекин Чемпионлар Лигасида ҳам ўйнашни хоҳлайман. Энди эса биз яқинларимиз билан бўлган ғалабадан баҳраманд бўлишимиз керак», дейди Эмери УЕФА расмий сайтига.
