Yevropa chempionati boshlanishiga taxminan 2 hafta vaqt qoldi. Musobaqa haqidagi ayrim ma’lumotlar bilan tanishtirib o‘tamiz.
Sovrin haqida
Turnirning bosh sovrini bo‘lgan kubok – Anri Delone nomi bilan ataladi. U finaldan so‘ng g‘olibga topshiriladi va so‘ng qaytib UYEFAda saqlash uchun qoldiriladi. Uning to‘liq hajmli nusxasi esa g‘olib jamoaga beriladi. Hatto shu nusxa ham faqatgina tashkilot ruxsati bilangina chempion mamlakat hududidan olib chiqilishi mumkin.
Chempion terma jamoa yana 40 ta oltin medalni qabul qilib oladi. Finalchilar shuncha kumush medalni qo‘lga kiritadi. Medallarni futbolchilari, murabbiy va jamoa personali o‘rtasida ixtiyoriy tarzda bo‘lib beradi.
Guruh bosqichidagi penaltilar seriyasi
Agar, uchinchi turda o‘zaro to‘qnash kelgan jamoalardagi barcha ko‘rsatkichlarda tenglik bo‘lib, ular o‘zaro o‘yinda ham durang qayd etishsa unda yakunda kim yuqoriroqda bo‘lishi penaltilar seriyasida aniqlanadi. Bu band agar uchinchi jamoa ham yuqoridagi ikki jamoa singari bir xil ko‘rsatkich qayd etib qolsa yo‘qqa chiqadi. Unda reglamentning standart me’yorlari ishga tushib o‘rinlar aniqlanadi.
Lekin, kattalar o‘rtasidagi Yevro musobaqalarida bunday ssenariy hali amalga oshmagan. Lekin, YEVRO-2008 bahslari “A” guruhi doirasida bu voqea yuz berishi mumkin edi. O‘shanda Turkiya va Chexiya terma jamoalari 3 turda to‘qnash kelishgan. Ko‘rsatkichlar ayni. O‘yinda chexlar dastlab 2 gol urib olgan. So‘ng Nihat Kaxvaji dubl bilan barchasini penaltilar seriyasiga o‘tkazgandek tuyuldi. Biroq 89-daqiqada aynan Nihatning o‘zi uchinchi golni urib bunga hojat qoldirmagan.
Orif Tolipov.
