Европа чемпионати бошланишига тахминан 2 ҳафта вақт қолди. Мусобақа ҳақидаги айрим маълумотлар билан таништириб ўтамиз.

Соврин ҳақида

Турнирнинг бош соврини бўлган кубок – Анри Делонэ номи билан аталади. У финалдан сўнг ғолибга топширилади ва сўнг қайтиб УЕФАда сақлаш учун қолдирилади. Унинг тўлиқ ҳажмли нусхаси эса ғолиб жамоага берилади. Ҳатто шу нусха ҳам фақатгина ташкилот рухсати билангина чемпион мамлакат ҳудудидан олиб чиқилиши мумкин.

Чемпион терма жамоа яна 40 та олтин медални қабул қилиб олади. Финалчилар шунча кумуш медални қўлга киритади. Медалларни футболчилари, мураббий ва жамоа персонали ўртасида ихтиёрий тарзда бўлиб беради.

Гуруҳ босқичидаги пенальтилар серияси

Агар, учинчи турда ўзаро тўқнаш келган жамоалардаги барча кўрсаткичларда тенглик бўлиб, улар ўзаро ўйинда ҳам дуранг қайд этишса унда якунда ким юқорироқда бўлиши пенальтилар сериясида аниқланади. Бу банд агар учинчи жамоа ҳам юқоридаги икки жамоа сингари бир хил кўрсаткич қайд этиб қолса йўққа чиқади. Унда регламентнинг стандарт меъёрлари ишга тушиб ўринлар аниқланади.

Лекин, катталар ўртасидаги Евро мусобақаларида бундай сценарий ҳали амалга ошмаган. Лекин, ЕВРО-2008 баҳслари “А” гуруҳи доирасида бу воқеа юз бериши мумкин эди. Ўшанда Туркия ва Чехия терма жамоалари 3 турда тўқнаш келишган. Кўрсаткичлар айни. Ўйинда чехлар дастлаб 2 гол уриб олган. Сўнг Ниҳат Кахважи дубл билан барчасини пенальтилар сериясига ўтказгандек туюлди. Бироқ 89-дақиқада айнан Ниҳатнинг ўзи учинчи голни уриб бунга ҳожат қолдирмаган.

Ориф Толипов.