"Tottenxem" yarim himoyachisi Mussa Sissoko yozda jamoani tark etishi mumkinligini ma’lum qildi. 31 yoshli fransuzning so‘zlariga ko‘ra, u hali o‘z kelajagi borasida bir qarorga kelgani yo‘q.
"Hozir men o‘z kelajagim uchun eshiklarni yopmayapman, chunki bu mavsum men uchun "Tottenxem"da qiyin yil edi", - deydi Sissoko.
Fransiyalik yarim himoyachining klub bilan amaldagi amaldagi shartnomasi 2023-yilgacha amal qiladi. U London klubida 2016-yildan beri o‘ynab kelmoqda. 2020/21-yilgi mavsumda Sissoko barcha turnirlarda 42 o‘yinda qatnashib, 1 gol va 1 golli uzatmani amalga oshirdi. Hozirda futbolchi Fransiya terma jamoasi ixtiyorida va Yevro-2020ga tayyorlanmoqda.
