"Тоттенхэм" ярим ҳимоячиси Мусса Сиссоко ёзда жамоани тарк этиши мумкинлигини маълум қилди. 31 ёшли французнинг сўзларига кўра, у ҳали ўз келажаги борасида бир қарорга келгани йўқ.
"Ҳозир мен ўз келажагим учун эшикларни ёпмаяпман, чунки бу мавсум мен учун "Тоттенхэм"да қийин йил эди", - дейди Сиссоко.
Франциялик ярим ҳимоячининг клуб билан амалдаги амалдаги шартномаси 2023-йилгача амал қилади. У Лондон клубида 2016-йилдан бери ўйнаб келмоқда. 2020/21-йилги мавсумда Сиссоко барча турнирларда 42 ўйинда қатнашиб, 1 гол ва 1 голли узатмани амалга оширди. Ҳозирда футболчи Франция терма жамоаси ихтиёрида ва Евро-2020га тайёрланмоқда.