"Inter" yarim himoyachisi Joau Mario yana Rossiya chempionatiga qaytishi mumkin.

28 yoshli yarim himoyachi o‘tgan mavsumni Portugaliyaning "Sporting" jamoasida ijarada o‘tkazdi.

Futbolchiga "Spartak"dan tashqari, Turkiyaning "Beshiktosh" klubi ham portugaliyalik uchun kurashga kirishdi, deb xabar beradi Record nashri FC Inter 1908 ga asoslanib.

Futbolchining o‘zi uchun ustuvor yo‘nalish aynan "Sporting"da qolish deb hisoblaydi. Chunki, o‘tgan ijara shartnomasida portugal klubi futbolchini sotib olishi mumkinligi haqida ham band kiritilgan.

Buning uchun "Inter" Lissabon klubidan 8 million yevro so‘ramoqda.

Lissabonliklar 6-7 million taklif qilmoqdalar, ammo, Record nashri yozishicha, tomonlar summadagi bu kelishmovchiliklar bitimni amalga oshirishga xalaqit bermasligi kerak.

Shunga qaramay, aynan "Spartak" Mario uchun ikkinchi variant, agar "Inter" va "Sporting" hali ham bir qarorga kelmasa, futbolchi RPLda paydo bo‘lish ehtimoli bor.

Eslatib o‘tamiz, Mario 2018/19 yilgi mavsumda Moskvaning "Lokomotiv" jamoasi tarkibida o‘ynagan. U Premyer ligada 18 uchrashuv o‘tkazgan va bitta gol urgan.