«Atletiko» himoyachisi Kiran Trippiye Angliyaga qaytishga yaqin turibdi.
30 yoshli o‘ng qanot himoyachisi «Manchester Yunayted»ga o‘tish arafasida. The Athletic xabariga ko‘ra, Trippiye variantlarni tahlil qilib, Manchesterda uy izlashga tushgan.
Kiran Trippiye «Manchester Siti»ni tarbiyalanuvchisi hisoblansada, ammo hech qachon «shaharlikar»ning asosiy jamoasida o‘ynamagan. Himoyachi 2012 yilda «Byornli»ga o‘tguniga qadar ijara asosida to‘p tepdi.
Ushbu jamoadagi yuqori sifatli o‘yin Trippiyerga 2015 yilning yozida «Tottenxem»ga o‘tishiga imkon berdi va to‘rt mavsum o‘tib futbolchi «Atletiko»ga yo‘l oldi.
Ma’lumot uchun, 20 million yevro evaziga baholanayotgan Kiran Trippiye o‘tgan mavsum «matraschilar» bilan birga 35 o‘yin o‘tkazib, 6 assist muallifiga aylangan.
