«Inter» prezidenti Stiven Chjan Antonio Konte A Seriya mavsumi yakinidan keyin murabbiylik kursisini tark etganligi haqida fikr bildirdi.

«Pandemiya juda katta moliyaviy qiyinchiliklarni keltirib chiqardi. Yo‘qotishlar bizni rejalarimizni qayta ko‘rib chiqishga va yangi yechimlar izlashga majbur qildi.

Biz variantlarni baholadik va o‘rta hamda uzoq muddatli eng yaxshisini tanladik. Bizning maqsadimiz - xarajatlarni kamaytirish orqali moliyaviy muvozanatni tiklash, aks holda biz hech qachon yangi investorlarni topa olmaymiz.

Shubhasiz, xarajatlarni qisqartirish bizning transfer strategiyamizga ta’sir qiladi. Antonio Konte bilan ham bu boradagi qarashlarimiz turli-xil bo‘lgani bizni u xayrlashishga olib keldi.

U uchun muhim bo‘lmagan narsa klub uchun muhim bo‘lib chiqdi. Konte eng yaxshi murabbiy, ammo men prezident sifatida klubning ahvoli haqida o‘ylashim kerak», - dedi jamoa prezidenti.