Shvesiya terma jamoasi lagerida koronavirus bilan kasallanganlar paydo bo‘ldi.

Ma’lumotlarga ko‘ra, birdaniga ikki kishining testi ijobiy natija bergan. Ular «Yuventus» yarimhimoyachisi Deyan Kulusevski va «Bolonya» a’zosi Mattias Svanberg.

Ma’lum bo‘lishicha, Kulusevskiy kecha testdan o‘tgan, shu sababli u jamoa bilan Goteborgdagi bazaga ucha olmagan, o‘zini Stokgolmda izolyasiya qilgan degan taxmin ham bor. Svanbergning natijasi esa bugun mashg‘ulotlar paytida ma’lum bo‘ldi.

U o‘zini yakka tartibda izolyasiya qildi, jamoa endi umumiy yana bir sinovdan o‘tadi.