Yevropa Superligasida qatnashmoqchi bo‘lgan Angliya Premyer-ligasi klublari 4 million  YEvro miqdorida jarimaga tortiladi.

Sky Sports xabariga ko‘ra, ushbu klublar uchun maxsus qoidalar joriy qilinadi, agar Superliga  bilan  bog‘liq vaziyat takrorlansa, jamoalarga nisbatan jazo qo‘llaniladi. Xususan, klublar  Angliya  Premyer-ligasidagi 30 ochkoni olib tashlashi mumkin, shuningdek, 23 million evro        miqdorida  jarimaga tortiladi. 

Eslatib o‘tamiz, Superligani Evropaning 12 ta eng yaxshi klublari tashkil etgandi: "Real",  "Barselona", "Atletiko" (barchasi - Ispaniya), "Manchester Siti", "Manchester Yunayted",  "Liverpul", "Chelsi", "Arsenal", "Tottenxem" (barchasi - Angliya), "Yuventus" , "Inter" va "Milan"(barchasi - Italiya). Turnir Chempionlar Ligasi o‘rnini egallashi kerak edi, ammo loyiha  ishtirokchilari milliy turnirlardan chetlatilishi bilan tahdid qilindi va turnir bekor qilindi.

7 may kuni UEFA Superliganing sobiq ishtirokchilari uchun jazo to‘g‘risida qaror qabul qildi.  To‘qqiz klubning har biri Evropada futbolni rivojlantirish uchun 15 million evro miqdorida xayriya badalini to‘laydi. Shuningdek, klublar bir mavsumda UEFA klublari musobaqalarida  qatnashishdan tushadigan daromadning 5 foizini tovon puli sifatida qaytarib berishga va’da  berishdi.