Европа Суперлигасида қатнашмоқчи бўлган Англия Премьер-лигаси клублари 4 миллион  евро миқдорида жаримага тортилади.

Sky Sports хабарига кўра, ушбу клублар учун махсус қоидалар жорий қилинади, агар Суперлига  билан  боғлиқ вазият такрорланса, жамоаларга нисбатан жазо қўлланилади. Хусусан, клублар  Англия  Премьер-лигасидаги 30 очкони олиб ташлаши мумкин, шунингдек, 23 миллион евро        миқдорида  жаримага тортилади. 

Эслатиб ўтамиз, Суперлигани Европанинг 12 та энг яхши клублари ташкил этганди: "Реал",  "Барселона", "Атлетико" (барчаси - Испания), "Манчестер Сити", "Манчестер Юнайтед",  "Ливерпуль", "Челси", "Арсенал", "Тоттенхем" (барчаси - Англия), "Ювентус" , "Интер" ва "Милан"(барчаси - Италия). Турнир Чемпионлар Лигаси ўрнини эгаллаши керак эди, аммо лойиҳа  иштирокчилари миллий турнирлардан четлатилиши билан таҳдид қилинди ва турнир бекор қилинди.

7 май куни УEФА Суперлиганинг собиқ иштирокчилари учун жазо тўғрисида қарор қабул қилди.  Тўққиз клубнинг ҳар бири Европада футболни ривожлантириш учун 15 миллион евро миқдорида хайрия бадалини тўлайди. Шунингдек, клублар бир мавсумда УEФА клублари мусобақаларида  қатнашишдан тушадиган даромаднинг 5 фоизини товон пули сифатида қайтариб беришга ваъда  беришди.