Rossiya terma jamoasi bosh murabbiyi Stanislav Cherchesov muxlislarni shogirdlarining natijasidan vahimaga tushmaslikka chaqirdi.
Belgiyaga qarshi mag‘lubiyat tabiiy ravishda noroziliklarni keltirib chiqardi. Biroq hali oldinda eng muhim uchrashuvlar kutib turibdi.
«Bizga Finlyandiyaning natijasi bilan bog‘liq hech qanday bosim yo‘q. Birinchi uchrashuvni rejalashtirilganidek o‘tkaza olmadik.
Biz natija bo‘yicha ham, tarkib bo‘yicha ham eng yaxshi o‘ynashni xohladik. Ammo hammasi teskari tomonga qarab ketdi. Endi finlar bilan bo‘ladigan bahsni kutamiz.
Buning ahamiyati katta. Ushbu o‘yin juda ko‘p narsalarni hal qilib beradi. Finlarni mag‘lub etish uchun qo‘limizdan kelganicha harakat qilamiz", - deydi Cherchesov.
Finlyandiya birinchi o‘yinda Daniyani mag‘lubiyatga uchratdi. Endi finlar Belgiya bilan bir qatorda guruhda yetakchilik qilmoqda.
