Россия терма жамоаси бош мураббийи Станислав Черчесов мухлисларни шогирдларининг натижасидан ваҳимага тушмасликка чақирди.
Бельгияга қарши мағлубият табиий равишда норозиликларни келтириб чиқарди. Бироқ ҳали олдинда энг муҳим учрашувлар кутиб турибди.
«Бизга Финляндиянинг натижаси билан боғлиқ ҳеч қандай босим йўқ. Биринчи учрашувни режалаштирилганидек ўтказа олмадик.
Биз натижа бўйича ҳам, таркиб бўйича ҳам энг яхши ўйнашни хоҳладик. Аммо ҳаммаси тескари томонга қараб кетди. Энди финлар билан бўладиган баҳсни кутамиз.
Бунинг аҳамияти катта. Ушбу ўйин жуда кўп нарсаларни ҳал қилиб беради. Финларни мағлуб этиш учун қўлимиздан келганича ҳаракат қиламиз", - дейди Черчесов.
Финляндия биринчи ўйинда Данияни мағлубиятга учратди. Энди финлар Бельгия билан бир қаторда гуруҳда етакчилик қилмоқда.
